Congo Brazaville: Sassou Nguesso yagenywe guserukira umugambwe PCT

Umugambwe PCT wagenye umukuru w’igihugu Denis Sassou Nguesso ngo azowuserukire mu matora y’umukuru w’igihugu ategekanijwe kw’igenekerezo rya 20 Ntwarante 2016,mu gihugu ca Congo-Brazzaville.

Ku myaka 72 y’amavuko umurwi ujejwe kugena abaserukira umugambwe PCT wagenye Denis Sassou Nguesso kuri uno wa mbere igenekerezo rya 25 Nzero 2016,ngo azoserukire uwo mugambwe mu matora y’umukuru w’igihugu.

Umunyamabanga w’umugambwe PCT Pierre Ngolo yavuze ko mu kwizera Sasso Nguesso bacaguye neza,kandi ko Sassou Nguesso ahuye n’ibihe igihugu kirimwo.

Mwomenya ko ayo matora yari ategekanijwe mu kwezi kw’indwi ariko Reta ica ihitamwo kuyigiza imbere mu kwezi kwa gatatu.