Accueil > Amakuru > Muri Afrika > Congo Brazzaville : Général Mokoko yatawe muri yompi
Congo Brazzaville : Général Mokoko yatawe muri yompi
mercredi 15 Ruheshi 2016, par
Inzego z’umutekano muri Congo Brazaville zatangaje ko zaraye zitaye muri yompi Général Jean-Marie Michel Mokoko yigeze kuba umukuru w’ibiro bikuru vya gisirikare muri Congo Brazaville kuva mu mwaka w’1987 kugera mu 1993, akaba aherutse gutsindwa mu matora yari ahanganyemwo n’umukuru w’igihugu Denis Sassou Nguesso mu kwezi kwa Ntwarante 2016.
Uwunganira mu mategeko Général Mokoko amenyesha ko Général Mokoko yatawe muri yompi yagirizwa ko ariko ategura guhirika ubutegetsi bwa Sassou Nguesso, afadikanije n’umwe mu bagize igendereza ry’Ubufaransa, mu mashusho yafashwe mu mwaka w’2007.
- Général Jean-Marie Michel Mokoko yigeze kuba umukuru w’ibiro bikuru vya gisirikare muri Congo Brazaville
Yvon Eric Ibouanga afasha kuburana Général Mokoko yagize ati : "Yatawe muri yompi n’inzego z’umutekano kugira ahatwe ibibazo."
Abakurikiraniye hafi ivy’itabwa muri yompi rya Général Mokoko bavuze ko yajanwe arinzwe bikomeye n’abaporisi benshi.
Mu matora yabaye muri ico gihugu, Général Mokoko yatahukanye amajwi 14 kw’ijana, nayo Sassou Nguesso atsinda ku majwi 60 kw’ijana, n’aho abatavuga rumwe n’ubutegetsi bavuga ko habayemwo ubusuma.
IGIHE
