Congo Brazzaville : Ibwirizwa shingiro rigiye guhindurwa

Umurwi ujejwe amatora muri Congo Brazzaville umenyesha ko mu matora ya kamarampaka abanyagihugu bagera ku bice 92 batoye ko ibwirizwa shingiro rihindurwa.

Ukwo guhindura iryo bwirizwa shingiro bizoha akaryo umukuru w’igihugu Sassou Nguesso ko kwitoza ubugira gatatu, mu gihe mu bisanzwe atari yemerewe kurenza ibiringo bibiri.

N’aho mu murwi utegura amatora bemeza ko abanyagihugu bitavye amatora ku bice birenga mirongo indwi kw’ijana, abatavuga rumwe na Reta ntibavyemera.

Mu gihe bokwisunga ibwirizwa shingiro rihari ubu, umukuru w’igihugu Denis Sassou Nguesso ntiyemerewe gusubira kwitoza kuko arenza imyaka mirongo ndwi y’amavuka, akaba kandi akwije ibiringo bibiri ku butegetsi.