Egypte : Igandagurwa rya Shaima Sabbagh ryagarukanye icuka kibi muri poritike

Abakenyezi bo mu gihugu ca Egypte bamenyesha ko bababajwe n’igandagurwa ry’umwe mu bagore bo ngaho muri ico gihugu yari azwi nk’umunyeporitike akomeye.

Shaima Sabbagh yishwe ku wa gatandatu uheze igenekerezo rya 24 Nzero arashwe amasase mu mugongo. Urupfu rwiwe rero rukaba rwaciye rukwega icuka kibi hagati y’ubutegetsi n’abatavuga rumwe. Kuri uyu wa 29 Nzero,inyuma y’iminsi itanu gusa agandaguwe, abakunzi ba Shaima Sabbagh cane cane b’abakenyezi bakaba baciye bihereza amabarabara, babanje kwiyegeraniriza hamwe, inyuma yo gukoma akaruru, biyamiriza igandagurwa rya.

Basaba ko umushikiranganji w’intwaro yo hagati mu gihugu yokurwa vuba bwango. Umugambwe wavamwo uwo mukenyezi ariwo Alliance populaire socialiste, co kimwe n’iyindi migambwe yose itavuga rumwe na Reta, ikagiriza igiporisi kugira uruhara muri iryo gandagurwa.