’’Petero Nkurunziza niyitoza azoba asenyuye ibwiriza shingiro’’

Umukuru w’igihugu Petero Nkurunziza atavavanuye n’ikiringo ca gatatu azoba ashaka gusenyura ibwirizwa nshingiro(putsch constitutionnel) nk’uko bimenyeshwa na Emmanuel Kaburanirwa, umwe mu barundi baba mu Bubirigi.

Inyuma y’igenwa rya Petero Nkurunziza kugira aserukire umugambwe CNDD-FDD mu kibanza c’umukuru w’igihugu mu matora yimirije, Abarundi isinzi yaba abari mu Burundi ndetse n’abari mu mahanga, baciye bihereza amabaraba kugira biyamirize ico kiringo ca gatatu ca Petero Nkurunziza, kuko giciye kubiri n’ibwirizwa nshingiro n’amasezerano y’i Arusha.

Nk’uko bivugwa na Emmanuel Kaburanirwa, umwe mu barundi baba mu Bubirigi, amasezerano y’i Arusha ndetse n’ibwirizwa nshingiro birasigura neza ko ata mutegetsi arekuriwe kurenza ibiringo bibiri. Arongera kandi akamemenyesha ko kuja mw’ibarabara kugira biyamirize ico kiringo babirekurigwa n’amategeko kandi babikora mu mutekano. Emmanuel Kaburanirwa aranatunga urutoke, inzego z’umutekano aho azagiriza gukorana n’ubutegetsi.

Tubibutse ko sentare yubahiriza ibwirizwa nshingiro iherutse kwemeza ko Petero Nkurunziza ashobora gusubira kwitoza mu matora yimitirije, aho Abarundi bakabibonamwo uguhonyanga amategeko.

Raba Amasanamu:
http://deredactie.be/cm/vrtnieuws/videozone/programmas/terzake/2.38693?video=1.2322223