Eto’o Fils yagenywe kumenyereza Antalyaspor

Umukinyi ava mu gihugu ca Cameroun yakiniye n’umurwi nserukira gihugu Samuel Eto’o Fils yagenywe kuba umumenyereza mukuru w’umurwi Antalyaspor wo mu gihugu ca Tirikiya,mu kiringo c’imyaka itatu.

Samuel Eto’o Fils yagenywe kuri uno wa gatatu igenekerezo rya 16 Kigarama 2015,yagiye mu murwi wa Antaria Sport nk’umukinyi ariko inyuma yaho ubuyobozi bw ‘uyo murwi bwirukaniye umumenyereza Eto’o Fils yaciye agenwa kuba umumenyereza mukuru.

Umukinyi Patrick Mbona yigeze gukinira umurwi nserukiragihugu wa Cameroun yavuze ko kuva kera Eto’o yamye amubwira ko yipfuza kuba umumenyereza w’umurwi.

Kubwa Patrick Mboma,Eto’o Fils agiye gukora ico akunda ariko afise amakenga ko bizomugora kwihangana kuko igikorwa co kumenyereza gisaba ukwihangana kudasanzwe.

Samuel Eto’o Fils yarakiniye imirwi itandukanye ku mugabane wa Buraya,harimwo umurwi wa FC Barcelona,akaba yaratwaye kandi n’umupira w’inzahabu uhabwa umukinyi yigenjeje neza mu mwaka kw’isi yose.