Accueil > Ubuhinga bwa none > Internet > Facebook: imiriyoni 6 z’abanywayi bahuye n’”ingorane”
Facebook: imiriyoni 6 z’abanywayi bahuye n’”ingorane”
samedi 22 Ruheshi 2013
Ingorane yico mu buhinga bwa none bita “logiciel” co muri Facebook caratumye irwo rubuga nguukanamakuru rurungika inomero za terefone zabantu bakoresha facebook bashika ku miriyoni 6.
Iyo ngorane yashitse Facebook itabishaka kandi bitabaturutseko nkuko iryo shirahamwe ryavyebisiguye ku wa gatanu urangiye. Facebook ikaba yarahumurije abo banywanyi babo bashikiwe n’iyo ngorane ko batogira ubwoba kuko “atangorane nini bizotera”. Bamenyesheje ko atavyerekeye numero zama konte zabo zo mu mabanki zahuye “niyo ngorane”. Iyo ngorane ikaba yashitse aho umunywanyi umwe wa facebook yariko aragerageza kubika ivyo yanditse muri kahise akoresheje icitwa "Download Your Information" (DYI).
Facebook iti:” Turubahiriza ubuzima bw’abantu kandi tubugumiza mw’ibanga”. Iryo shirahamwe rikaba ryongeye kwisigura ko “ata shirahamwe kw’isi ryoshobora kwemeza ijana kw’ijana ko atangorane izipfa ibashikiye naho ryoba rifise abahinga bibicocoro”.
Luc-Noël INGABIRE
