Accueil > Kwidagadura > umucuraranzi > Fariouz > inkuru > Fizzo ntiyafashwe neza mu giteramo co mu Kanyosha
Fizzo ntiyafashwe neza mu giteramo co mu Kanyosha
mardi 9 Nyakanga 2014
Igiteramo categerezwa kuremeshwa na Fariouz nticabaye uko yari aciteze. Wewe nta kosa yagize kuko amasaha yategerezwa kuba yashikiye ahabera igiteramo ntiyarengeje. Ariko yaratangajwe n’ivyamushikiye uwo munsi.
![](local/cache-vignettes/L298xH448/img_5902-a75ed.jpg?1517288764)
Ku rutonde rw’abaririmvyi b’igiteramo citiriwe ururirimbo "What’s my name Concert" cabereye kw’Itaba kwa Vyisi, Fizzo niwe yari hejuru. Uwo nawe yaritavye igiteramo atanacerewe, nko kuva igihe c’isaha cumi n’imwe uwo muririmvyi niho yari. Amakuru dukura mu bari aho, avuga ko bugingo hageze ko aririmba, Fizzo yasavye amahera yiwe. Yoba yagize amakenga ko yabona ata bantu benshi bahari. Umuririmvyi Jockas ari nawe yamutumyeko, yategerezwa kuyamuha, ntawamenye iyo yaciye. Baramubuze irengero, Fizzo ntiyabaye agihembwa.
Mbega bibaye uko Fizzo yavyifashemwo gute?
Fizzo yaramaze umwanya utari muto abakunzi biwe bamubona mu kibanza c’iteka kandi bari bazi ko aririmba. Abakunzi biwe ntibamenye ivyamushikiye. Nk’uko abivuga kenshi ko abakunzi biwe aribo bakoresha biwe, Fizzo yahisemwo kuririmba naho ata mahera yari bwaronswe. Ivyo yabigize ku cubahiro yama avuga ko aha abakunzi biwe. Turiko turondera Jockas kugira tumenye igituma yatwaye amahera yo guhemba Fizzo.
Umviriza agace gatoyi k’ururirimbo "Wezere" rwa Fizzo na Sat B
Cherif Nkeshimana
Messages
9 Nyakanga 2014, 14:19, par Niyomukiza jeames
Fizzo nukur yakoz neza kuk iyaca agenda ataririmvye vyar gutum abafanzi babara bigatuma barek kub abafanzi nomubarir ati warakoz kuturyoher ati p6
10 Nyakanga 2014, 06:34, par Tumaine ibrahim
Ay mahera wosang jockas yayatway kubera k Fizzo yakuyeko sat-b kandi aho iyo consert iza kubera mubafana benshi ba sat-b.jockas yanse k abihomberamwo!Fizzo navyihanganire ni ivyisi!
11 Nyakanga 2014, 09:11, par malick
Fizo witway neza cane!! Arko urakwiy kumenya level yaw ukareka gukoreshwa nabantu nkabo!! Nukomeza uko uzosubira inyuma nkabandi ntakibuza!!