Ubufaransa : Umugore yishe umwana wiwe afise ingorane mu mutwe

Mu gihugu c’Ubufaransa havugwa umugore yishe umwana wiwe yarafise ingorane mu mutwe.

Umugore afise imyaka 50 y’amavuka yihekuye mu kwica umwana wiwe w’imfura afise imyaka 22. Uwo mwana yari asanzwe afise ingorane mu mutwe kandi afise n’indwara y’intandara, bigatuma ibintu vyose uwo mwana yagira yakoresha uburyo bw’inguvu. Uwo muvyeyi akavuga ko icatumye yica uwo mwana, ko uwo muhungu wiwe yama akoresha inguvu (violence) imbere ya nyina wiwe, ko yabuze ukuntu yomufata, hama kumwica aribwo buryo yabonye bwo kwikura kuriwe.

Abaporisi bavuga ko uwo mugore yishe umwana wiwe mukumuha imiti irenze kuyo yari asanzwe afata (surdose). Uwo mugore niwe yaciye yihamagarira abaporisi mbere aremera ko ariwe yihekuye. Ariko ababanyi biwe bavuga ko uwo mugore yanize umwana wiwe n’umusego.