FVS AMADE yatanguye gutanga ibikoresho ku bana batishoboye

Abana ba ntaho nikora hamwe n’abana b’impfuvyi nibo baronkejwe imfashanyo y’ibikoresho vy’ishure n’ishirahamwe FVS AMADE muri komine ya Kanyosha.

Gordien Iradukunda ajejwe ibikorwa mw’ishirahamwe FVS AMADE, akaba yamenyesheje ko ibikoresho vyatanzwe bifise agaciro k’amafaranga agera ku miriyoni 15.439.036. Abana bakeneye imfashanyo itangwa na FVS AMADE bakaba bagera ku 2309. Iradukunda akaba avuga ko, imbere imfashanyo iryo shirahamwe ryazirondera mu bagiraneza, ariko kuva mu mwaka w’2010 ibintu bikaba vyarahindutse ku buryo izo mfashanyo bazironderera mw’ishirahamwe, no mu bakunzi b’ishirahamwe.

Abagiraneza canke abandi bari mu mashirahamwe atandukanye, bakaba basabwa nabo nyene guterera agacumu ku bumwe, mu gufasha impfuvyi canke abana bava mu miryango itishoboye mu baronsa ibikoresho vy’amashurengo bashobore kwiga nk’abandi