Accueil > Amakuru > Intwaro ibereye > Gabriel Rufyiri yavugishije isanamu mu gusaba irekurwa rya Bob (...)
Gabriel Rufyiri yavugishije isanamu mu gusaba irekurwa rya Bob Rugurika
jeudi 5 Ruhuhuma 2015, par
Umuhuza w’abarundi Muhamed Rukara yabwiye Gabriel Rufyiri umukuru wa OLUCOME, ko yahejeje ama dosiye yose yari yamushikirije, amubaza namba hari iyindi yoba asigaranye. Gabriel Rufyiri yamweretse isanamu ya Bob Rugurika, yanditseko ko yorekurwa.
Mu birori vy’ugushikiriza ibikorwa vyaranguwe n’urwego rw’umuhuza w’abarundi mu myaka ine iheze, Mohamed Rukara umuhuza w’abarundi yarashimiye bimwe bikomeye amashirahamwe adaharanira ivyicaro vya poritike, cane cane ishirahamwe OLUCOME. Mohamed Rukara yamenyesheje ko amadosiye yose agera kw’icumi, uwurongoye OLUCOME Gabriel Rufyiri yamushikirije yayakoze yose, ari naco gituma atakimubona mu biro iwe, kandi ubwa mbere ariho yama iminsi yose. Mohamed Rukara ati : "Wombeshuza imbere y’aba bantu. Hari iyindi woba ufise?"
Gabriel Rufyiri yaciye asohora isanamu iriko Bob Rugurika, yanditseko "Free Bob Rugurika", bisigura "Rekura Bob Rugurika"
Kurikira aha munsi isanamu yerekana Gabriel Rufyiri asavye umuhuza Rukara irekurwa rya Bob Rugurika
Egide Nduwimana
