Accueil > Amakuru > Amashuri > Gihanga : Ibijori vyaratwaye imitima abana
Gihanga : Ibijori vyaratwaye imitima abana
lundi 5 Rusama 2014
Muri komine ya Gihanga rumwe mu rwaruka usanga ruriko ruraroba ivyo bita ibijori mu myonga itandukanye, ivyo bakabigira mu gihe abandi bana baba bari ku mashure.
Ibijori ni indagara canke ifi zikiri nto. Abo bana na bamwe mu bariko barakura, ubasanga bariko barabiroba mu myonga, aho bimwe baca babijana kubidandaza mu babanyi, canke ibindi navyo, bakabijana muhira ku bifungura. Ivyo bijori nk’uko bamwe mu mvukira z’i Gihanga babivuga, vyoba bica utuzeze abana, na cane cane ko bamwe babirovye, baca baronka amafaranga bamaze kubidandaza, bagaheza bakabona ko urukiza ari mu nzuzi canke mu myonga.
Mukamenya ko iyo komine ya Gihanga, ifise imyonga itari mike na cane cane ko hasanzwe hanarimwa igiterwa c’umuceri. Abavyeyi baremeza ko ibijori vyabatwariye imitima abana, aho usanga bigumira muri iyo myonga, mbere n’ishure ryabo, bakariguza n’ivyo bijori.
Aristide Nizigire
Messages
5 Rusama 2014, 16:33, par Afande
Kuvy’ukuri biratey agahinda ariko poritike nayo ibifisemwo uruhara
6 Rusama 2014, 10:18, par Valentin
Jewe nk’umunyeshure amaze amashure yisumbuye nosaba leta y’igihugu cacu gushira mu minwe ikibazo c’abanyeshure kuko bazohava basanga barengewe n’ibitigiri vy’abanyeshure baza muri kaminuza!!!!!!! None ko twebwe tumaze umwaka muhira,mwumva bene wacu bobo bari muri secondaire bitazobagora kubandanya amashure yabo?????? Leta yitonde izokwibuka kuyora yasheshe mbese n’urwaruka rwahevye amashure kuko rubona ko ataho ruriko ruraja!