Gitega : Abantu 5 baciriwe umunyororo wo guherayo

Sentare nkuru y’ intara ya Gitega yaciriye umunyororo wo guherayo abagabo 5 kuba barishe umudandaza wo muri zone Mutoyi komine Bugendana intara ya Gitega.

Kuri uyu wa mbere igenekerezo rya 29 Ndamukiza 2013, Sentare nkuru yo mu ntara ya Gitega yarashashe maze icira urwo rubanza rwo guherayo abo bagabo, ndetse muri abo hakaba harimwo umupolisi w’igihugu yagirijwe kuba ariwe yatanze inkoho yo kwica uyo mudandaza, hamwe n’ abagabo 3 basanzwe bagendesha ama pikipiki eka ndetse n’umwana w’uyo mudanza yarahamwe n’icaha akaba yagirijwe ko ariwe yatanze amakuru ajanye no kugandagura se.

Abaciriwe uwo munyororo wo guherayo, basabwe kandi gutanga ihadabu ingana amafaranga imiriyoni 50, ndetse no gusubiza imiriyoni 8 bamusahuye imbere yo kumugandagura.