Accueil > Amakuru > Muri Afrika > Goma: Igipolisi carashe abari mu myiyerekano
Goma: Igipolisi carashe abari mu myiyerekano
jeudi 22 Nzero 2015
Amakuru ava mu gihugu ca Repuburika iharanira intwaro rusangi ya Congo avuga ko igipolisi carashe ku bantu bari mu myiyerekano mu gisagara ca Goma, mu Buseruko bw’igihugu.
Uyu ni umunsi ugira kane w’imyiyerekano yo kwiyamiriza amahinduka mw’ itegeko rigenga amatora, avuga ko hagomba kubanza kubaho iharurwa ry’abanyagihugu ariyo rusansuma imbere y’uko amatora y’umukuru w’igihugu ateganijwe mu mwaka uza aba.
Abajejwe umutekano rero bakaba barashe abantu, abatari bake bakaba bapfuye, n’abanyeshure babiri bakomeretse nk’uko bivugwa na AFP, itororokanirizo ry’amakuru ry’abafaransa.
![](local/cache-vignettes/L225xH225/congo_manifesta-7c617.jpg?1517391048)
Imigambwe itavuga rumwe na Reta iravuga ko itegeko rishaka gushirwaho rigamije gutevya amatora kugira umukuru w’igihugu Yozefu Kabila bikunde agume ku butegetsi kandi ikiringo ciwe co gutwara kiri mu kurangira mu mwaka uza. Ku munsi w’ejo, igenekerezo rya 21 Nezro, umukuru wa Ekleziya Gatolika, muri Repubulika iharanira intwaro rusangi ya Congo yaratangaje ko ashigikiye iyo myiyerekano. Cardinal Laurent Monsengwo yasavye abategetsi guhagarika kwica abanyagihugu nk’uko yabishikirije mu majambo yiwe. Yasavye abari mu myiyerekano kuyikora mu mahoro. Amashirahamwe aharanira agateka ka zina muntu, aravuga ko abantu barenga 40 bamaze kugwa muri iyo myiyerekano.
Reta ya Congo yo yavuze ko abantu bagera kuri 11aribo baguye muri iyo myiyerekano kuva kuwa mbere kandi ko benshi ari abariko barasahura. Imigambwe myinshi itavuga rumwe na Reta, aravuga ko itegeko rishaka gushirwaho rigamije gutevya amatora, kugira ngo umukuru w’igihugu Yozefu Kabila agume ku butegetsi inyuma yo kurangiza ikiringo ciwe.
Floxella Karire
Messages
22 Nzero 2015, 23:21, par Karikumutima
mbega cancer yo kuguma kubutegetsi yafashe abanyafrika bose? igipolisi naco ni ukwica gusa aho gukiza no gukingira umunyagihugu? Man garukira kano karere abanyagihugutuearushe
23 Nzero 2015, 11:43, par gift
jewembonakabira yovakubutegetsi atabayenkamugenziwe rorambabo kandi abategetsi bomurikanokarere bibabere akarorero bamenye kwatakigwanishogisumba umunyagihugu.
23 Nzero 2015, 14:25, par beya
tweho ni ryari? mu RDA
24 Nzero 2015, 19:55, par mukobwajana
MU BURUNDI PETER NAVUGE KO YITOZA DUTANGURE NA TWE..KO ATA CO AVUGA ATINYA IKI....