Accueil > Amakuru > Poritike > "Gusubiramwo ibwirizwa shingiro ntibigamije kwongera ikiringo umukuru (...)
"Gusubiramwo ibwirizwa shingiro ntibigamije kwongera ikiringo umukuru w’igihugu"
lundi 11 Munyonyo 2013
Reta y’Uburundi yarafashe umugambi wo gusubiramwo ingingo zimwe zimwe zo mw’ibwirizwa shingiro. Uwo mugambi wazanye ukutabona kumwe intumbero yawo kuko abahurikiye mu migambwe itavuga rumwe n’ubutegetsi babona ko ari ukurondera kwongera ibiringo vy’ugutwara umukuru w’igihugu Petero Nkurunziza. Inyuma y’impari nyinshi zimaze iminsi, Reta y’Uburundi yavuye mu gacerere imenyesha ko uwo mugambi n’ukwongera ibiringo umukuru w’igihugu ataho bihuriye.
Biciye kuri Firipo Nzobonariba, umuvugizi akongera akaba umunyamabanga mukuru, Reta y’Uburundi imenyesha abarundi n’amakungu ko mugufata ingingo yo gusubiramwo ibwirizwa shingiro ry’Uburundi ata mugambi urimwo wo gufasha umukuru w’igihugu Petero Nkurunziza kuronka ikindi kiringo co gutwara igihugu mu matora yo mu mwaka w’2015, nk’uko abatari bake bavyiyumvira.
- Firipo Nzobonariba, umuvugizi akongera akaba umunyamabanga mukuru wa Reta y’Uburundi
Mu rwandiko yasomeye ku mboneshakure y’igihugu, Firipo Nzobonariba, umuvugizi akongera akaba umunyamabanga mukuru wa Reta y’Uburundi amenyesha ko mu gufata iyo ngingo ata ciyumviro co kwongera ibiringo umukuru w’igihugu Petero Nkurunziza bari bafise, ivyo akabivuga yisunze ko ku bwiwe mu ngingo zitegekanijwe gusubirwamwo ata n’imwe ivuga ibijanye n’ibiringo vy’umukuru w’igihugu.
Ukutumvikana kuri ico kibazo c’ibiringo vy’umukuru w’igihugu nikwo kwibonekeza hagati y’umugambwe uri ku butegetsi, iyitavuga rumwe nawo hamwe n’amashirahamwe adaharanira ivyicaro vya poritike. Ku ruhande rw’umugambwe uri ku butegetsi bemeza ko umukuru w’igihugu Petero Nkurunziza amaze gutwara ikiringo kimwe kuva mu mwaka w’2010, ko asigaranye ikindi kiringo kimwe yitorerwa n’abanyagihugu, kuko mu mwaka w’2005 yatowe n’abashingamateka.
Abahurikiye mu migambwe itavuga rumwe n’uwuri ku butegetsi n’amashirahamwe adaharanira ivyicaro vya poritike ntibavyumva nk’uko bishikirizwa. Kubwabo, abavuga ko Petero Nkurunziza asigaranye ikindi kiringo, bitiranya ikiringo c’umukuru w’igihugu n’ukuntu aba yatowe. Basigura ko umukuru w’igihugu uko aba atowe kwose ikiringo ciwe kiba cuzuye kandi giharurwa.
Egide Nduwimana
Messages
11 Munyonyo 2013, 01:59, par Willy
Emwe turagowe mpaka bibaye nko muri RIBIYA . Mbe ko bavuga ngo nikiringo kimwe ico kindi gihe yahtwara ikihe Gihugu? Yarakirongoye Cndd Fdd? Ahoho nubu ntaratwara. UBURUNDI ngira nuko abamufashije igihe yaramaze Atari bwabahungure baje niho yaciye atangura guharura ko atwaye. Ntimugoke ngo murihindure nico gituma muriko mwirukana UN And ON?
11 Munyonyo 2013, 02:35, par ko
eeehhh! babacungire hafi kuko nibareb nabi azokwiyongez indi mandant!
11 Munyonyo 2013, 06:47, par nduwimana
ARIKO,MURIRA IBIKI,YAKUYE.UBURUNDI.KURE,nkurunziza niwirambire pe.
11 Munyonyo 2013, 11:38, par ndikumana
ntakabuza turaba nko muri madagascar!baremeza nyene ko atwaye mandat imwe!!!’ibara!
11 Munyonyo 2013, 21:47, par Eric ndayisenga
Nibamureke atware uburundi kuko yabukuye ahatemba, kuko akora ibikora inka.
12 Munyonyo 2013, 09:13, par BIGIRMANA R2NOVAT
Uguhindura bimwe na bimwe mwibwirizwa nshigiro birakenewe kubera ibihe turimwo. Ariko ukwo tuvyumva, abarundi turakwiye kuja inama muvyo dukora vyose. Iyo abantu benshi bamaze kuvuga ko hari amanyanga agomba gukorwa ari inyuma nukuri ni ukuvyumviriza. Kandi ibuye riserutse ntiriba ricica isuka.
Kuvyerekeye ivyo kwirukana BINUB mu burundi, najewe ndashigiye kweli ko hataragera kuko twimirije ibihe bigoye vyamatora aho hakenewe ko ishirahamwe nkiryo rizoba rikenewe. Kandi turabona ko igitsure ca BINUB ko gikewe cane kuri aba ba nye politique bu Burundi.
12 Munyonyo 2013, 10:05, par sinzobatinya
kuba mahindagu niko kubura ijambo ukutagira ijambo nako niko kubura iteka kandi umugabo yihindukiza kukirago ntiyihindukiza mwijambo
mbega ndababaze iy ’arusha hagiye cndd fdd yonyene
bayamaze bati! kayibage kavamukanwa kanyene inka
iyomenya izamunyuma
12 Munyonyo 2013, 11:18, par barukwege
Uwanditse iyi nkuru arajuragiza. Firipo yavuze/yasomye ivyo kubwa reta avugira. Ariko hari aho muvuga ngo "kubwiwe" woc umengo yavuze ivyiwe. None ukuri kuri he!!
12 Munyonyo 2013, 13:15, par claude ngendabanyikwa
ni hatari kabisa,hasigaye aho imana ikora kuko ibikorwa n`abana b`abantu nibisesema k`uhoraho, nibatihana ngo bumve ijambo ry`imana vyose bizakomvomvorwa
15 Munyonyo 2013, 10:17, par wilson ndayishimiye
Nyakubahwa president nkurunziza yari umukuru wumugambwe cndd FDD aka a umushikiranganji ighe hab amasezerano ya arusha ubatwara umugambwe ubu barabana biwe niwe yabisinye navugishe ukuri atwaye rimwe cable kabiri ikibazo cumugambwe wise nukujijisha abarundi nabangurukanye time ye ukuri twebwe batobato
21 Myandagaro 2014, 07:54, par damascene hacimana
karabaye ibara rizorwa mugihu cuburundi niba agira yiyongeze manda yagatatu ngirambaze kandi munyishure ese kwavuga yuko amaze gutwara manda imwe kurimanda yambere igihugu cuburundi catwarande?nibatubwire?mbega agira agire nkakagame murwanda urwanda yarugize nkakarima kiwe?oya muburundi ntibishoka.
1er Ntwarante 2016, 06:54, par FURAHA TAYERI
NIBAMUREKE ATWARE BUYOYA YAKUBISEKUDETAZINGAHE? KOBATAMUVUGAGA BARABENEZA NTIBASEMANDA BASUBWOKO