Accueil > Amakuru > Ubuseruko > Ibanki y’isi yose yiyemeje gufata mu mugongo EAC
Ibanki y’isi yose yiyemeje gufata mu mugongo EAC
lundi 4 Munyonyo 2013
Umugambi w’imyaka ibiri uzofatwa mu mugongo ni banki y’isi yose wuguruwe. Uyo mugambi rero ukaba wugururiwe ahasanwze hakorera ishirahamwe ry’ibihugu vya Afrika y’Ubuseruko na mugana Enos Bukuku asanzwe ari icegera c’umunyamabanga mukuru Wa EAC.
Muri ivyo birori hari umupfasoni Patricia McKenzie umuyobozi w’igisata c’ubutunzi mw’ibanki y’isi yose, uyo nawe akaba arongoye igice c’Afrika y’Ubumanuko n’iy’Ubuseruko, ari kumwe na Patrick Umah Tete umuhinga ajerjwe ivy’ubutunzi, akaba anajejwe n’iyinjira ry’ibihugu mu karere ka EAC, eka ndetse niwe arongoye umurwi w’abakozi bakuru mu biro vy’umunyamabanga mukuru w’ishirahamwe EAC.
![](local/cache-vignettes/L600xH400/dsc_0083-3a654-60e68.jpg?1518055930)
Mw’ijambo ryiwe ry’ukwugurura ibirori, Bukuku yashimiye bimwe bivuye ku mutima ibanki y’isi yose mu kwitanga kugira ibikorwa vy’ishirahamwe rya Afrika y’Ubuseruko bishobore gutera imbere. Yabandanije avuga ko ibanki y’isi yose yemereye ishirahamwe rya EAC imfashanyo igera ku muriyoni umwe w’amadolare ya Amerika mu ntumbero yo gushigikira imwe mu migambi y’ishirahamwe.
Uyo mugambi w’ibanki y’isi yose kw’ishirahamwe rya Afrika y’Ubuseruko, ukaba uzofasha kandi mu gushira ku mugaragaro ibijanye n’amasoko. Muri ivyo birori kandi, umupfasoni Patricia McKezie asanzwe arongoye igisata c’ubutunzi mw’ibanki y’isi yose ku mugabane w’Afrika y’UBuseruko n’Ubumanuko, avugo ko hari imigambi ibanki y’isi yose iriko irategura, mu ntumbero yo gushigikira ishirahamwe rya Afrika y’Ubuseruko
![](local/cache-vignettes/L600xH400/dsc_0075-ba08f-4552f.jpg?1518055930)
Aristide Nizigire