Ibihugu bivuga igifaransa bisabwa kwubaha urwo rurimi

Abaserukira ibihugu vyo muri Afrika yo hagati n’ivyo mw’ibahari Indiyana bivuga ururimi rw’igifaransa RESIFACO,bari mu nama i Bujumbura kuva kuri uno wa kane igenekerezo rya 31 Nzero 2013.

Abo baserukiye ivyo bihugu bazokwihweza ingene bokomeza ururimi rw’igifaransa kw’isi. Ico bariko baraganirako n’amahoro, demokarasi,agateka ka zina muntu, iterambere rirama, ururimi rw’igifaransa hamwe ubutandukane bw’imicokama.

Umuyobozi mw’ishikira w’umunyamabanga mukuru w’ishirahamwe ry’ibihugu bivuga ururimi rw’igifaransa asaba ibihugu vyose bivuga ururimi rw’igifaransa ko vyoja hamwe kugira bateze imbere urwo rurimi kuko ruriko rurata agaciro.

Umushikiranganji ajejwe imigenderanire y’u Burundi n’ayandi makungu Laurent Kavakure aremeza kandi ko Leta izofasha muri ico gikorwa.