Icegeranyo ca ONU ku mugwi wo kumenya ukuri no kunywanisha abarundi CVR

Icegeranyo c’ishirahamwe mpuzamakungu co kuva mu mwaka w’2008 gushika mu mwaka w’2012 kuvyerekeye agateka ka zina muntu cerekana ko umugwi wo kumenya ukuri no kunywanisha abarundi CVR ushobora kutajaho kubera inyungu z’abantu bamwe bamwe muri plitike.

Italike 24 Nzero uyu mwaka, hazokoranira inama i Geneve mu Buswise yerekeye ingene agateka ka zina muntu kifashe mu Burundi kuva mu mwaka w’2008. Hatumiwe abazoserukira Reta, abanyepolitike hamwe n’amashirahamwe yigenga aharanira agateka ka zina muntu.

Ico cegeranyo harimwo igice kivuga ivyerekeye ubutungane bunywanisha bw ‘inyuma y’intambara hamwe n’umugwi wo kumenya ukuri no kunywanisha abarundi. Vyari vyitezwe ko uwo mugwi ujaho kuva mu mwaka w’2008 ariko umukuru w’igihugu Petero Nkurunziza aheruka kumenyesha ko uzojaho mu kwezi kwa Ruhuhuma uyu mwaka w’2013.