Igice ca kabiri c’ireresi "Suzana" cagiye ahabona

Umuririmvyi akaba n’umukinyi w’amareresi azwi kw’izina rya Kook-k kuri uyu wa kabiri w’igenekerezo rya 11 Ruheshi 2013 yashize ku mugaragaro igice ca kabiri c’ireresi yiwe yise "Suzana"

Aganira n’ikinyamakuru IGIHE yamenyesheje ko iyo reresi yayiyumviriye afise intumbero yo kwigisha abantu ko bakwiye kutishura abandi inabi babagiriye kuko agaragazamwo cane umukobwa yakundanye n’umusore kandi azi ko se w’uwo musore ariwe wishe se ariko ntivyotuma badakundana. Kubw’iwe urukundo rurakomeye aho avuha ati:"Burya urukundo nyarwo ntaco rurabirako.”