Igisagara ca mbere cakiriye ingenzi nyinshi mu mwaka w’i 2014

Urutonde rw’ibisagara vyiza kw’isi vyagendewe n’ingenzi nyinshi mu mwaka w’i 2014 rwasohotse. Eka n’ibisagara birusha ibindi ubwiza mw’isuku, mu bibanza vyiratiro, bifise ikirere ciza rwasohotse.

Londres

Ikinyamakuru 7sur7be candika ibisagara bitatu vyaronse ingenzi nyinshi mu mwaka w’i 2014. Igisagara ca Londres mu Bwongereza cabaye ica mbere cagendewe n’abantu benshi mu mwaka w’i 2014. Ubwa kabiri haza igisagara ca Bangkok, umurwa mukuru wa Thailand. Ubwa gatatu haza igisagara ca Paris mu Bufaransa. Urutonde rwakozwe n’ikinyamakuru 7sur7.be ntirutanga ibitigiri nyezina.

Paris

Naho biruko, ibisagara ntibikundwa kumwe bivanye n’ico ingenzi zipfuza. Abakundana bishoboye bakunda kujana gutembera mu gisagara ca Paris mu Bufaransa( ico gisagara bacita: Ville Romantique). Hari n’igenzi zikunda ibisagara aho ikirere kimera neza(ville agreable), izo nazo zigwiriye mu gisagara ca Vienne muri Autriche. Igisagara ca Vienne kimaze imyaka itatu gifise ikibanza c’igisagara kimeze neza. Gikurikirwa na Zurich(Suisse), Auckland(Nouvelle Zelande), Munich(Allemagne), hamwe na Vancouver(Canada).

Igisagara ca Londres kandi kiri mu bisagara vya mbere bifise ibibanza vy’iratiro( Musee), ibibanza biharurwa kw’i 162, gikurikirwa n’igisagara ca Berlin na New York.

Vienne

Ikindi kintu gihamagara ingenzi ni isuku ry’igisagara. Igisagara rero kirangwamwo isuku ryinshi rituma kigenderwa n;ingenzi nyinshi ni Singapour, Ubutaliyano na Australiya.

Mwomenyako ata gisagara na kimwe co muri Afrika kiri ku rutonde.

Zurich

Auckland

Singapour