Igitigiri c’abafungura nabi cunyuwe n’intambara

Inyuma y’aho hadukiye intambara mu Burundi, ikibazo co gufungura nabi carimonogoje mu Burundi, ku buryo abantu bashika 73 kw’ijana aribo bafungura nabi.

Nk’uko umuyobozi w’umugambi w’igihugu ujejwe ivy’ugufungura abivuga, amatohozwa yakozwe mu gihugu cose mu mwaka w’2010, yarerekanye ko abarundi batari bake bafungura nabi. Muganga Evelyne Ngomirakiza avuga ko gufungura nabi bituma umuntu agira amagara mabi, umuntu akarwaragurika. Ico kigo rero kikaba cashizweho mu mwaka w’2009 n’ubushikiranganji bw’amagara y’abantu, kugira hatorerwe umuti ingorane z’ugufungura nabi.

Mukamenya ko kubera ingorane z’ikigoyi ziri mu Burundi, abantu basegerereza barwiriye mu gihugu cose, aho mu bisagara ho usanga biteye ubwoba, kuko yaba abana bakiri bato, abariko barakura, inkumi n’imwe mu misore, abagore, abagabo hamwe n’abageze mu zabukuru, usanga bose bagenda barasabiririza.