Accueil > Amakuru > Amashuri > Igitigiri c’abigeme baheba amashure caraduze
Igitigiri c’abigeme baheba amashure caraduze
lundi 29 Mukakaro 2013
Mu gihe mu mashure makuru atandukanye bariko baratanga ivyegeranyo vy’ibikorwa vyaranguwe mu mwaka uheze, icabonetse n’uko igitigiri c’abana b’abigeme baheba amashure kiriko kiriyongera kurusha imyaka iheze, ivyo rero bikaba biba hataranagera ko umwaka w’ishure uhera.
Ku bice birenga 90 kw’ijana, ivyegeranyo vyerekana ko iryo hebwa ry’amashure kuri abo bana b’abakobwa riva ku mbanyi zitifujwe, aho abo bana bakiri imiyabaga usanga bafashwe ku nguvu n’ibisare canke ahandi naho vyabaye ku bushake bwabo, babahendeshejwe utuganuke tutagira ifatiro.
Ivyo rero vy’abigeme batwara inda bakiri mw’ishure bikaba binava ku bavyeyi basigaye ata kanya bakironkako gukurikirana abana babo.
Mwomenya ko imbere y’umwaka w’1993, intambara itaratera, abigeme biga batwara inda bari bake cane.
Floxella Karire
