Accueil > Amakuru > Amashuri > Ikibazo c’ibura ry’imatera kirahanze abayobozi b’amashure yisumbuye
Ikibazo c’ibura ry’imatera kirahanze abayobozi b’amashure yisumbuye
lundi 15 Nyakanga 2014
Amashure atandukanye afise uburaro mu ntara ya Bubanza afise ingorane z’imatera, intebe hamwe n’ukuzofungurira abana, mu gihe bamwe mu bayobozi b’amashure bavuga ko baheraniye amafaranga y’abazana imfungurwa kuri ayo mashure.
Ubwo bukene bw’amamatera nk’uko abayobozi bafise amashure y’indaro muri iyo ntara ya Bubanza babivuga, bukaba atari agaseseshwa rumuri, kuko bemeza ko usanga bafise imatera zitarenga 60 zigikomeye, izindi ugasanga zishaje, gushika yaho wozigereranya n’ibirago. Bavuga ko hageze n’aho bamwe mu banyeshure basigaye baza bizaniye amamatera yo kuryamako.
Mu bushikiranganji bw’indero bakavuga ko ico kibazo c’ibura ry’amamatera hamwe n’amafaranga yo kuriha imfungurwa ziba zagaburiwe abanyeshure bizwi, ari naco gituma bavuga ko bagiye kuzokora ibishoboka vyose kugira ico kibazo kizotorerwe inyishu.
Aristide Nizigire
