Accueil > Amakuru > u Burundi > Imfashanyo igera ku miriyoni 5,3 z’amadorari yaratanzwe na Leta Zunzubumwe (...)
Imfashanyo igera ku miriyoni 5,3 z’amadorari yaratanzwe na Leta Zunzubumwe z’Amerika
samedi 7 Nyakanga 2013
Leta Zunzubumwe z’Amerika icishije ku buserukizi bwayo yarahaye ingabire Leta y ‘Uburundi igera ku miriyoni 5,3 z’amadorare. Ingabire igamije kugura ibikoresho vy’igisoda. Iyo mfashanyo yatanzwe kuri uyu wa 6 Nyakanga 2013.
Iyo ngabire igera ku miriyioni 5,3 z’amadorari y’abanyamerika izofasha mu gushigikira abasirikare b’abarundi bazoja gufasha kugarukana amahoro muri Somaliya. Kubwo uwuserukira Leta Zunzubumwe z’Amerika mu Burundi, Dawn Liberi , iyo ngabire yerekana imigenderanire myiza iri hagati y’Uburundi hamwe na Leta Zunzubumwe z’Amerika.
- Dawn Liberi
Dawn Liberi arashima kandi ukwitanga kwerekanwa n’abasirikare b’abarundi mu gikorwa cabo co kugarukana amahoro n’umutekano mu gihugu ca Somaliya . Icegera c’umukuru w’ibiro bikuru vy’intwaramiheto mu Burundi, General Majoro Fabien Nzisabira, akaba yarashimiye cane Leta Zunzubumwe z’Amerika zo zidahengeshanya gufasha igisirikare c’gihugu c’Uburundi .
KARIRE Floxella
