Accueil > Poritike > Imigambwe > Imigambwe 13 muri 43 niyo yabonetse ku rubuga mu kwezi kwa Nzero
Imigambwe 13 muri 43 niyo yabonetse ku rubuga mu kwezi kwa Nzero
lundi 9 Ruhuhuma 2015, par
Mu migambwe 43 yemewe n’amategeko mu Burundi, cumi n’itatu gusa niyo yashoboye gutunganya n’imiburiburi inama imwe ku rwego rwa komine canke ku rwego rw’intara muri uku kwezi kwa Nzero 2015.
Mu cegeranyo c’ibikorwa vy’imigambwe vyo mu kwezi kwa Nzero, umushikiranganji w’intwaro yo hagati mu gihugu Edouard NDUWIMANA amenyesha ko imigambwe myishi mu yemewe mu Burundi, itaboneka ku rubuga. Cumi n’itatu gusa akaba ariyo yashoboye gutunganya inama n’imiburiburi imwe gusa ku rwego rw’intara canke rwa komine. Iyo migambwe ni CNDD FDD yatunganije amanama 371 mu ntara zose n’amakomine yose agize igihugu, UPRONA amanama 201 mu ntara 17 n’amakomine 128, SAHWANYA FRODEBU Nyakuri amanama 79 mu ntara cenda n’amakomine 31, FNL amanama 78 mu ntara 10 n’amakomine 32, SAHWANYA FRODEBU amanama 41 mu ntara indwi n’amakomine 19, MSD amanama 32 mu ntara 17 n’amakomine 19, MRC Rurenzangemero amanama 24 mu ntara zine n’amakomine 9, UPD Zigamibanga amanama 17 mu ntara zitandatu, CNDD ya Nyangoma amanama 6 mu ntara zibiri, PARENA inama imwe i Bururi mu Rumonge, hamwe na PASIDE IMBONEZA inama imwe i Karusi komine Shombo.
- Edouard Nduwimana, umushikiranganji w’intwaro yo hagati mu gihugu
Umushikiranganji Edouard NDUWIMANA amenyesha ko ayo manama yose yabaye mu mutekano, kiretse gusa mu ntara ya Bururi, komine Burambi, aho habaye ukutumvikana hagati y’abanywanyi ba UPRONA banse uwubagirisha inama bamwagiriza ko ayoboka Conciliya Nibigira.
Edouard NDUWIMANA asaba imigambwe kubandanya kwitegurira amatora Uburundi bwimirije, ariko akaba mu kiganiro yahaye abamenyeshamakuru kuri uwu wa mbere, yasubiriye gukurira inkoni ku gishitsi abagize urunani RANAC Dushayuruburundi, ko ubushikiranganji arongoye butarota bwemerera urwo runani gukorera ku mugaragaro. Kubw’umushikiranganji Edouard NDUWIMANA, amategeko ntategekanya ko abakinyi ba poritike batagira imigambwe yemewe (Acteurs politiques), biyunga mu runani n’imigambwe yemewe, aho umushikiranganji Edouard NDUWIMANA akavuga Rwasa Agathon avuga ko ariwe arongoye umugambwe FNL, hamwe n’umushingamateka Karori NDITIJE avuga ko ariwe aramutswa UPRONA.
Urunani RANAC Dushayuruburundi rugizwe n’imigambwe FNL ya Rwasa Agathon, UPRONA ya Karori Nditije, FRODEBU Nyakuri Iragi rya Ndadaye, RADDES, PARIBU, PASIDE IMBONEZA, A.D.R, hamwe na NADDEBU.
Egide Nduwimana
Messages
10 Ruhuhuma 2015, 07:55, par matwi
ako kagabo kara tovye igihugu
muze tukiyamirize.
10 Ruhuhuma 2015, 14:38, par Mugisha
Twaratanguye,n’ubu tukiriko dusemerera yewe Eduard NDUWIMANA tugomba kukwibutsa ko utavuye munda yanyoko witwa umushikiranganji! Bisiguye ko utaravuka hariho abashikiranganji kandi n’ubu ntuzosaza ucitwa umushkranganji! Aho wicaye siho uzohora uri- abandi baratize baronka aho bahungira yamara weho n’umwobo wokwinyegezamwo uzowubura. KOMEZA NGO NIW WIZE KAMINUZA WENYENE...! UZNRIRA UTAGIRA GIHOZA! INTABARIGWA IBWIGWA NUKO AMASO ATUKUYE!
10 Ruhuhuma 2015, 18:31, par Nuwera
Urakoze nyakwubahwa mushikiranganji wintwaro yohagati mugihugu mu Burundi bwacu Edwardo Nduwimana kutubwira uko imi gambwe yifashe mu Burundi uyumusi.
10 Ruhuhuma 2015, 20:59, par ndayi
mbega ahushirimbere umugabwe wawe nikuki bugirako usigura ukavuga niyomwagiyemurankira iyureka iyindi igakora ntiwarigusanga yasumbije rwawe ivyuvuga ntakamaro bimaze bugombukanuma wewe ivyawe birazwi
11 Ruhuhuma 2015, 12:16, par prof.leonidas in malawi
I would like to talk to eduard nduwimana to change his behavior
11 Ruhuhuma 2015, 17:43, par Listining
@ prof, H.E Aduard Nduwimana he’s bust one man in the men