Gitega : MSD yiteguriye gukurikirana uko ukwandika abazotora kuza kuragenda

Imigambwe itatu gusa mu ntara ya Gitega niyo yemerewe kuja gukurikirana uko ukwiyandikisha kuriko kuragenda kw’abazitabira amatora yo muri uyu mwaka buca utangura.

Imigambwe CNDD FDD, FNL ishami rya Yakobo Bigirimana hamwe na UPD Zigamibanga ishami rya Zedi Feruzi akaba ariyo bivugwa ko yemerewe gukurikirana uko ukwiyandikisha kuza kuba kuriko kuragenda, mu gihe kwatanguye kuri uyu wa mbere igenekerezo rya 24 Munyonyo uwu mwaka mu Burundi bwose.

Ariko naho biri uko, mu mugambwe MSD mu ntara ya Gitega bakavuga ko baza kurungika abakurikirana uko iryo yandikwa riza kuba ririko riragenda muri iyo ntara. Epithace Nshimirimana arongoye MSD muntara ya Gitega akaba yemeza ko abanywanyi biwe baza kuba bari hose ahaza kuba hariko harabera iyandikwa.

Mukamenya ko mu migambwe rero itandukanye bandanya guhamagarira abanywanyi bayo kwiyandikisha kugira baze bitorere indongozi mu mwaka w’2015.