Imyiteguro y’ikibazo "concours national" irabandanya

Imyiteguro ijanye na ca kibazo giha uburenganzira abanyeshure bo mu mashure mato mato kwinjira mu mashure yisumbuye isa n’iyiri mu kurangira.

Ibikorwa vyo kwitegurira ikibazo ca Reta gitanga uburenganzira bwo kwinjira mu mashure yisumbuye birabandanya ukuri kwamye.
Ico kibazo ca Reta giha uburenganzira bwo kuja mu mashure yisumbuye co muri uno mwaka kizokorwa mu kwezi kwa Rusama. Imyiteguro irabandanya, nk’uko bimenyeshwa na Abraham Mbonerane, umukuru w’umurwi ujejwe gutegura ibibazo.

Naho amafaranga azokoreshwa muri uno mwaka yagabanijweko imiriyoni 100 z’amarundi, mu murwi utegura ibibazo barizeye ko atakabuza ibikorwa vyose bizogenda neza, nk’uko Abraham Mbonerane abandanya abishikiriza.

Abraham Mbonerane akamenyesha ko igenekerezo ico kibazo ca Reta kizokorerwako igiye kumenyeshwa mu minsi ya vuba.