Bangladesh: Imyiyerekano y’abakora impuzu

Imyiyerekano yakabuwe n’ururpfu rw’abantu barenga 290 baguye mu nyubakwa yasidutse, yakoreramwo abatunganya impuzu ku munsi wa gatatu.

Abari mu myiyerekano bamenaguye imodokari baturira n’inyubakwa ku murwa mukuru Dhaka,basaba ko bene amashirahamwe y’impuzu yakorera mu nyubakwa yaguye ku bantu igatikiza inganda ku munsi wa gatatu, kugumayo kandi hari ibimenyetso ko ishobora guhenuka.

Abajejwe gutabara kugez’ubu baracariko baragerageza kurondera abakiri mu bihomoka baharurwa mu majana, mu gihe abamaze kumenyekana ko bapfuye ubu bageze ku 290.
Ayo mahinguriro yakorera mur’iyo nyubakwa akora impuzu zija mu bihugu vya Bulaya na Leta Zunze ubumwe za Amerika.