Accueil > Amakuru > u Burundi > Inama nshingamateka ihamagarira ababishoboye gutanga intererano zabo (...)
Inama nshingamateka ihamagarira ababishoboye gutanga intererano zabo mw’iyirwa ry’amategeko
mardi 3 Ruhuhuma 2015
Ibikorwa vy’ukwezi kwa Ruhuhuma vyaraye vyuguruwe mu nama nshingamateka y’Uburundi.
Mw’ijambo ry’ukwugurura ivyo bikorwa ryashikirijwe n’umukuru w’inama nshingamateka Piyo Ntavyohanyuma, akaba yavuze ko ivyo bikorwa bitanguye mu gihe bafise amabwirizwa atari make azirwa, ndetse akaba yatumiriye yaba abarongoye imigambwe, abarongoye amashirahamwe ataho yegamiye mu vya poritike atandukanye, abarongoye amashengero hamwe n’abandi bose babishoboye kuza gutanga intererano yabo.
Umushingamateka Piyo Ntavyohanyuma akaba yasavye abatandukanye bari mu migambwe, kwitegurira neza amatora buca atangura mu kwezi kwa Rusama, aho abarundi bazitabira amatora yo gutora abazobarongora imyaka itanu iri imbere. Ivyo birori vyo kwugurura ivyo bikorwa vyari vyitabwe na bamwe mu baserukira Reta y’Uburundi, bamwe mu bakozi bo mu buserukizi bw’ibihugu vyabo mu Burundi, abaserukira amwe mu mashirahamwe n’abandi.
Aristide Nizigire
