Inama rukokoma y’umutekano mu karere ka Sahel na Mali

Abaserukira ibihugu vya Algérie, Mali, Niger, Burkina Faso, Mauritanie na Tchad bakoranye kugira bigire hamwe ikibazo gihanze akarere ka Sahel na Mali, bimaze iminsi biriko biradurumbanywa n’imirwi y’abarwanyi.

Umukenguzamateka Pierre Buyoya aserukira akarere ka Sahel na Mali

Ikibazo c’amahoro n’umutekano akaba arico cakoranije abaserukira ibihugu bitandatu bigize akarere ka Sahel na Mali nk’uko bishikirizwa na Ramtane Lamamra, umushikiranganji w’imigenderanire n’ibindi bihugu wa Algerie mu birori vy’ukwugurura iyo nama. Iyo nama ikaba iriko iraba ihagarikiwe na zimwe mu ntumwa z’ishirahamwe mpuzamakungu ONU, intumwa zirongowe na Petero Buyoya aserukira ako karere k’ibihugu bitandatu bigize Sahel na Mali mw’ishirahamwe ry’Ubumwe bw’Afrika n’abandi.

Mukamenya ko iyo nama rukokoma ije hageze nk’uko bivugwa na bamwe mu bashikiranganji bitavye iyo nama baserukiye ibihugu vyabo, kuko imirwi itera akajagari mu karere ka Sahel na Mali yagiye irarwira, imwe ariko ikaba yemeye gushira ibirwanisho hasi, ikayaga n’igihugu ca Mali kimwe mu bihugu vyari vyarabaye ikirimbiro ry’iyo mirwi.