Umurwi "Indimu" wasohoye isanamu y’ururirimbo “Wabaye Iki?”

Darwin na H bagize umurwi ugeze kure mu muziki witwa Indimu, batangaje ko basohoye isanamu y’indirimbo “Wabaye Iki?”

Abo bamenyesha ko iyo sanamu yakorewe kwa D.J Kolly akorera mu Gatumba ari nawe bamaze iminsi bakorana. Babona ko indirimbo yitwa kwiheze gukorwa mu gihe isanamu yayo iba yakozwe neza hanyuma igasohoka. Ariko rero ni agaseke gapfunduriwe abakunzi babo na rirya umwaka ugira urangire. Iyo sanamu ubu irashobora kuboneka ku mboneshakure.

Abandanya avuga ko atari ivyo gusa hari n’iyindi sanamu kiriko irategurwa, mu minsi iza turayibamenyesha. Kw’ igenekerezo rya 31 Gitugutu bazoba bariko bafasha kuremesha igiteramo abatamvyi ba Salsa mu butambiro bita Archipel bwo mu gisagara ca Bujumbura.