Ingorane mu mashure nshingiro zibandanya kwibonekeza

Muri iki gihe amashure agiye gutangura, abavyeyi bafise abanyeshure mu mashure nshingiro baribaza ico abana babo bazoba bagiye gukora mu gihe mu mashure nshingiro hibonekeza cana ubukene bw’intebe, n’ibindi bikoresho.

Ibindi bibazo vyibonekeza cane n’ubukene bw’ibitabo vy’abanyeshure bakoresha bariko bariga hatibagiwe ubukene bwabigisha mu bice bimwe bimwe vy’igihugu. Ubushikiranganji bw’amashure matomato na yisumbuye buvuga ko buzi ivyo bibazo bugasaba abavyeyi kw’iyungunganya, bakaba baragurira abana babo ibitabo kugira abana bashobore kuja mw’ishure, bashobore kwiga mugihe barindiriye kw’amasoko abayatsindiye batangura kuzana ivyo bikoresho. ku vyerekeye abigisha, bikavugwa ko bagiye guha akazi abigisha 2000 bazofasha mu mashure nshingiro mu gihe nabonyene bazi ko badakwiye.

Abavyeyi bavuga ko bigoye kugurira ivyo bitabo abo bana babo bakeneye kw’ishure mu gihe n’amashure nshingiro akiri mu ntango. ubwo bushikiranganji bubijejwe bukwiye gukwakwanya gutorera inyishu ivyo bibazo, kuko abandi bugarijwe n’ ubukene tutibagiye ko abavyeyi beshi arabirimizi batazi iyo ivyo bitabu bigurirwa.