Intara zitanu zaronse uburenganzira bw’ugutanga impapuro zimwe zimwe

Intara zitanu zararonkejwe uburenganzira bwo gutanga impapuro zimwe zimwe zahora zitanngirwa I Bujumbura,izo nazo zikaba ari nka mureke arengane rwahora rutangirwa muri Pafe,urupapuro rwahora rutangwa n’igi polisi c’inyamiramabi PJ,hamwe n’igipolisi kijejwe ivy’uruja n’uruza n’umutekano PSR na SR.

Ubu rero izo mpapuro zose zi zotangirwa mu ntara z,itanu zatowe kuva mu kwezi kwa Rusama,izo ntara nazo ni: Muyinga,Ngozi,Gitega,Mwaro na Bururi.Ibikorwa vyo gutanguza iyo migambi bikaba vyabereye I Muyinga inyuma y’ugutera imikono hagati ya PAFE,PJ,PSR n’Ubushikiranganji bw’intwaro yo hagati mu gihugu,ubw’umutekano be n’ubw’abakozi n’akazi .Ivyo bikaba bije gufasha abanyagihugu bahora barinda kuja i Bujumbura,kuko ubu bazohora batorera izo mpapuro mu turere iwabo.