Integuro y’itegeko ry’ukurekurira abacukura ubutare mu nama nshikiranganji

Mu nama nshikiranganji irongowe na nyakubahwa Petero Nkurunziza umukuru w’igihugu, ibibazo bibiri nivyo vyarabiwe hamwe, harimwo ic’ugutanga uruhusha rw’ugucukura ubutare bwa Nikel buri i Waga na Nyabikere co kimwe n’ibijanye n’uburyo bw’ukumenyeshamakuru mu buryo bushasha bwa numérique.

Muri iyo nama nshikiranganji yabaye kuri uyu wa gatatu igenekerezo rya 16 Gitugutu, umushikiranganji w’ubutare n’agataka amaze gushikiriza ibijanye n’icukurwa ry’ubwo butare bwa Nikel i Waga na Nyabikere, itegeko rikaba ryaremejwe n’abashikiranganji.

Inyuma y’aho hakaba haciye hemezwa itegeko ry’umugambi w’ukumenyesha amakuru hakoreshejwe ubuhinga bwa numérique nk’uko vyashikirijwe n’umupfasoni Leocadiya Ninkazi umushikiranganji w’ukumenyesha amakuru.