RD Kongo : 24 mu bagandaguye bunyamaswa abanyagihugu barenga 100 bafashwe

Inyuma y’aho hafi y’igisagara ca Beni hagandaguriwe abantu bagera kw’ijana, igisirikare ca Kongo catanguye isakwa mu mihana iri mu micungararo y’ico gihugu.

Abo bantu bagandaguwe n’umurwi wa ADF(Forces démocratiques alliées) w’abarwanyi bo mu gihugu c’Ubuganda, aho muri abo bishwe harimwo abana, abagore n’abagabo. Abo barwanyi bakaba bagisibije muri ako karere gasanzwe gahana urubibe n’ico gihugu c’Ubuganda. Ariko rero bikavugwa ko abagera kuri 24 muri abo bateye hamwe n’abanyagihugu 10 bamaze gufatwa inyuma y’ico gitero. Abo bafashwe bamwe bakaba banafatanywe ibirwanisho bicira umuriro, mu masakwa yagiye aragirwa, co kimwe n’ugukurikira abo bicanyi nk’uko bivugwa na MONUSCO yaho muri Repuburika iharanira intwaro rusangi ya Kongo.

Abo baranyi basanzwe banahurikiye mw’idini rya Islam bakaba bari aho muri ako gace kuva mu mwaka w’1995, aho bica bakuzako, ndetse bakagirizwa kwiba no gufata abagore n’abakobwa ku nguvu.