Diamond arahakana ivyo yagirizwa ku muririmvyi Davido

Inyuma y’ihiganwa rya Big Brothers ryatsindiwe na Idriss wo mu gihugu ca Tanzaniya, bivugwa ko havyutse icuka kibi hagati y’umuririmvyi Diamond wo muri Tanzaniya, hamwe na Davido wo muri Nigeriya. Naho bivugwa uko, Diamond wewe arabihakana.

Idriss ahejeje gutsinda mw’ihiganwa rya Big Brothers, Diamond yaciye yandika ko igihugu ca Tanzaniya gihejeje kuronka akandi gashimwe kiyongera kuko yaheruka gutahukana mw’ihiganwa rya TFA. Ariko rero Davido ntiyakiriye neza ivyo Diamond yanditse bica bisa n’ukwishurana amajambo atari meza ameze nk’ugutukana.

Diamond bamubajije ko hari ico yoba apfa na Davido yishuye ko ata ngorane n’imwe bafitaniye n’uwo muririmvyi wo muri Nigeriya.

Tubibutse ko Diamond akundwa cane mu karere ka Afrika y’Ubuseruko azoba ari mu giteramo mu Burundi co kw’igenekerezo rya 28 Kigarama mu kibuga co mu Buyenzi.