Accueil > Inkino > FOOTBALL > Cristiano Ronaldo yaguye apfukamye inyuma yo kunywa umuti bavugutiwe na (...)
Cristiano Ronaldo yaguye apfukamye inyuma yo kunywa umuti bavugutiwe na Juventus
mercredi 6 Rusama 2015
Inkino z’igice ca kabiri gishira ica nyuma muri rya higanwa rikomeye ry’i Buraya "Champions Ligue" cuguruwe n’ugutsindwa ku murwi Real Madrid na Juventus de Turin.
- Cristiano yaguye apfukamye inyuma yo gutsindwa
Ku kibuga ca Juventus de Turin umurwi wo mu Butaliyano, hasekaniye imirwi ikomeye yashoboye gushika mu gice ca kabiri gishira ica nyuma c’inkino za Champions League. Juventus yakinishije abakinyi nka: Buffon; Lichtsteiner, Bonucci, Chiellini, Evra; Pirlo, Marchisio, Sturaro(Barzagli 64); Vidal; Morata(Llorente 78), Tevez(Pereyra 86) .
Ku ruhande rwa Real de Madrid hakinye: Casillas, Carvajal, Pepe, Varane, Marcelo; Rodriguez, Ramos, Kroos, Isco (Hernandez 63); Bale (Jese 86), Ronaldo.
- Tevez ahejeje kwinjiza Penalty
Umurwi wa Juventus watanguranye inguvu zidasanzwe kugira bikunde ku kibuga cabo bahakure intsinzi n’abakunzi bawo bawugirire icizere. Ku mupira wateguwe neza na Carlos Tevez awuhereza Alvaro Morata maze ku munota w’i 9, umunyezamu Casillas wa Real Madrid arinjizwa igitsindo ca mbere. Naho biri uko, Real Madrid ntiyari yicaye naho vyaboneka ko Juventus yayirushije, ku munota wa 27, ku mupira uvuye kwa James Rodriguez, Cristiano Ronaldo yinjije umunyezamu Gianluigi Buffon, igice ca mbere gihera ari 1-1.
- Cristiano Ronaldo yerekana inguvu igice ca mbere giheze
Igice ca kabiri naho nyene ntivyoroheye Real Madrid, kw’ikosa rivuye kwa Carvajal ryavuye Penalty, Carlos Tevez yinjiza igitsindo ca 2-1. Kuva uwo mwanya, Ancelloti yagerageje kurondera igitsindo co kunganya mu guhindura abakinyi ariko bimuta ku w’amazi. Urukino rurangira ari 2 vya Juventus kuri 1 ca Real Madrid.
![](local/cache-vignettes/L672xH445/285a5e3a00000578-0-image-a-6_1430852605065-f862a.jpg?1550861413)
Kw’igenekerezo rya 13 Rusama, Real izokwakira Juventus mu rukino rwo gusubiza kandi isabwa gutsinda kimwe n’imiburiburi kugira ibandanye mu gice ca nyuma ca Champions League.
![](local/cache-vignettes/L672xH508/285a5a9d00000578-0-image-a-3_1430852338124-b0963.jpg?1550861413)
![](local/cache-vignettes/L672xH434/285a5f1e00000578-0-image-a-9_1430852652166-aa8a3.jpg?1550861413)
![](local/cache-vignettes/L672xH457/285a6e7900000578-3069209-image-a-25_1430853702626-97821.jpg?1550861413)
![](local/cache-vignettes/L672xH406/285a9a9b00000578-3069209-carlos_tevez_fired_juventus_back_into_the_lead_shortly_after_hal-a-87_1430858440221-2a2a8.jpg?1550861413)
![](local/cache-vignettes/L672xH456/285a9abf00000578-3069209-the_argentina_international_left_converted_the_penalty_he_earned-a-88_1430858489063-355c2.jpg?1550861413)
![](local/cache-vignettes/L672xH469/285a622f00000578-0-image-a-13_1430853135340-363f1.jpg?1550861414)
![](local/cache-vignettes/L672xH451/285a9e1600000578-3069209-tevez_s_team_mates_surround_the_star_striker_in_celebration_of_h-a-90_1430858503922-4e888.jpg?1550861414)
![](local/cache-vignettes/L672xH411/285a660500000578-0-image-a-17_1430853189982-3b2cd.jpg?1550861414)
![](local/cache-vignettes/L672xH448/285aa87f00000578-3069209-image-a-25_1430867411982-42d4f.jpg?1550861414)
Cherif Nkeshimana