Accueil > Amakuru > Mu makungu > Irak : Igisagara ca Fallujah cafashwe cose
Irak : Igisagara ca Fallujah cafashwe cose
lundi 27 Ruheshi 2016, par
Umutegetsi mu gisirikare ca Iraki amenyesha ko inteko z’ico gihugu zigaruriye igisagara ca Fallujah bagikuye mu minwe y’umuhari wa Reta ya Kiyisilamu mu ntambara yari imaze ukwezi ihuza izo mpande zibiri.
Lieutenant-General Abdul-Wahab al-Saadi yamenyesheje kuri uwu w’Imana ko abasirikare ba Iraki bafashe agace ka Julan kari mu micungararo ya Fallujah, kari kakiri mu minwe y’umuhari wa Reta ya Kiyisilamu.
Iyo ntwazangabo imenyesha ko igisagara ca Fallujah casambuwe nka cose kandi abanyagihugu baharurwa ku bihumbi 85 bakeneye gufashwa vyihutirwa.
VOA ivuga ko gushika ubu hataramenyekana abasize ubuzima muri iyo ngwano haba mu barwanyi b’umuhari wa Reta ya Kiyisilamu canke mu basirikare ba Reta ya Iraki.
Umushikiranganji wa mbere wa Iraki, Haider al-Abadi yatangaje ko ikigiye gukurikira ari ugusubira kwigarurira igisagara ca Mosul.
IGIHE
