Isabukuru y’Abarundikazi b’abaririmvyi izokwerekana ico bashoboye

Ishirahamwe ry’abaririmvyi bo mu Burundi ririko ritegura isabukuru izokorwa mu gushigikira umunsi mpuzamakungu wahariwe umukenyezi. Abaririmvyi b’abarundikazi nibo bazoteramisha abantu.

Bruno Simbavimbere arongoye ishirahamwe ry’abaririmvyi bo mu Burundi

Kw’igenekerezo rya 8 Ntwarante 2014 uko umwaka utashe amakungu arahimbaza umunsi mukuru wahariwe umukenyezi. Mu ntumbero yo guhimbaza uwo munsi, ishirahamwe ry’abaririmvyi b’Abarundi «Amical des Musiciens» ririko rirategura isabakuru izokorwa n’abaririmvyi b’abarundikazi.

Kuri iryo genekerezo, hazoba n’igiteramo kizobera muri «Hotel Club du Lac Tanganyika». Ibirori bizomara amasaha 2h30, kuva igihe c’isaha imwe y’ijoro, gushika isaha zitatu n’iminota mirongo itatu z’ijoro. Kwinjira ni amafaranga 20.000 y’amarundi. Abarundikazi b’abaririmvyi : Macarena, Samantha, Emelance, Lina na Natacha bazokwerekana aho umuziki w’igitsina gore ugeze, na kare ko ico giteramo bacitiriye «ururirimbo ry’igitsina gore» «la chanson Féminine.»

Amakuru dukura muri iryo shirahamwe amenyesha ko intumbero y’iyo sabukuru ari guhamagarira Abarundi bose kwiyamiriza amabi akorerwa abakenyezi, biciye mu ndirimbo hamwe no kumenyekanisha abaririmvyi b’abagore.

Emelance, umwe mubazoteramisha mw’isabukuru

Samantha