Isaha ikoresha ubuhinga bw’inyabwonko(I’m watch) iri kw’isoko

Uko igihe kigenda niko ubuhinga butera bwiyongera.Abantu bari bazi ko ubuhinga busa n’ubwarangiye ariko haje ikindi gikoresho gitangaje,n’ayo ni isaha ikoresha ubuhinga bwose nk’ubwo inyawonko Ordinateur.

Iyo saha yakorewe mu gihugu c’u Butariyano.ikaba ifise ibice vyose bikoreshwa ku nyabwonko.Hejuru yo kuba ikoreshwa muri ubwo buhinga irakoreshwa kandi nka terefone ngendanwa.

Ku bafise iyo saha bashobora guhanahana amakuru babicishije mu buhinga bwa Facebook,ashobora kuronka kandi canke akarungika ubutumwa bugufi SMS akoresheje iyo saha.

I’m watch ntikoreshwa gusa mu gutumatumanako amakuru kuko n’abiryohera barashobora kuyikoresha,kuko umuntu ashobora kuyikoresha mu kubika no kwumviriza indirimbo zishika imiliyoni 6 aho ashakiye hose.

Iyo saha I’m watch igurwa amafaranga 339 y’amadorare.