Ishirahamwe mpuzamakungu ONU rirashigikiye u Burundi

Umukuru w’igihugu Petero Nkurunziza yakiriye mu biro iwe kuri uno munsi wa gatatu igenekerezo rya 16 Nzero 2013 Paul Seger umukuru w’umurwi ujejwe gutsimbataza amahoro wo mw’ishirahamwe mpuzamakungu ONU.

Igihe kuri uno wa gatatu igenekerezo rya 16 Nzero 2013 umukuru w’igihugu Petero Nkurunziza yakira mu biro iwe Paul Seger umukuru w’umurwi wo mw’ishirahamwe mpuzamakungu ujejwe gutsimbataza amahoro,abo bategetsi babiri baganiriye ku bijanye n’ingene bofashanya na cane cane inyuma y’ivyavuye mu nama yabereye I Geneve.

Nkuko Paul Seger yabimenyesheje ngo nta terambere rishoboka ata mahoro,kandi nta mahoro yoshoboka ata terambere.Paul Seger yabandanije amenyesha ko ari muri iyo tumbero ishirahamwe mpuzamakungu rizoshigikira u Burundi mu mugambi bwishinze w’iterambere mu kurwanya ubukene.