Accueil > Ubutunzi > REGIDESO : Ihagarikwa ry’amasoko y’amamiriyaridi 6 ku bw’ubunyonyezi
REGIDESO : Ihagarikwa ry’amasoko y’amamiriyaridi 6 ku bw’ubunyonyezi
vendredi 9 Nzero 2015
Ishirahamwe REGIDESO rijemwo amatara n’amazi, rimenyesha ko umwaka w’2014 ryitwaye neza, aho ndetse n’umwimbu wabonetse ushimishije.
![](local/cache-vignettes/L672xH504/regidesoq-32a41.jpg?1551258139)
Mu kiganiro ku banditsi n’abamenyeshamakuru, umukuru w’ishirahamwe REGIDESO akaba yamenyesheje ko umwaka w’2014 wabaye uwa mbere inyuma y’imyaka 18 yose, aho iryo shirahamwe ryashoboye kuronka umwimbu w’amafaranga angana n’imiriyaridi 7.898.550.543, mu gihe mu myaka yindi yose nko kuva mu mwaka w’1997 gushika mu mwaka w’2004, umwaka w’2007, 2009 kugeza mu mwaka w’2011 iryo shirahamwe ryamye mu ruhombo kuburyo ritashobora kwimbura namba.
Liberat Mpfumukeko umuyobozi mukuru wa REGIDESO, avuga ko ivyo vyose mu gushikwako hafashwe ingingo nshasha zijanye n’intwaro ibereye, aho harwanijwe ibiturire, amasoko ataco yinjiriza iryo shirahamwe canke arimwo amanyanga arahagarikwa angana no ku mamiriyaridi 6, mbere ubwoko bw’ubusuma bugera kuri 29 bukaba bwarafashwe mu bakozi b’iryo shirahamwe bahora bakoresha mu kwiba.
![](local/cache-vignettes/L672xH504/regidespp-88af8.jpg?1551258140)
Umukuru w’iryo shirahamwe akaba yabariye abamenyeshamakuru ko Reta ifadikanije n’abafasha Uburundi, bariko barakora ibishoboka vyose kugira harwizwe umuyagankuba n’amazi mu mihingo itandukanye, ko hari icizere ko mu mwaka w’2019 n’2020 atangorane y’umuyagankuba izosubira kuvugwa mu Burundi.
Mukamenya ko nk’uko umukuru w’ishirahamwe REGIDESO abivuga, hari amasezerano ariko arigwa, aho umuyagankuba ungana na megawatt100 kugeza ku 200 uzohora ukurwa mu gihugu ca Ethiopia, uwo mugambi bakibaza ko uzoja mu ngiro mu mwaka w’2020.
![](local/cache-vignettes/L672xH504/regi-ba51c.jpg?1551258140)
Aristide Nizigire
Messages
9 Nzero 2015, 17:14, par HAKIZA
Komera Mutama DG wa REGIDESO utezimbere ishirahamwe n’igihugu hamwe n’abenegihugu baterimbere.
10 Nzero 2015, 00:02, par one
ntaco muriyo myaka iheze twara ronka umuyagankuba ubu vyitwa ko mwaronse umwimbu igisagara kizoronka umuriro 2020? iyuba urarondera umuti mfatakibaza igisagara kikaba kiraka.ubutuzorindira imigambi itaranatangura.mura rushe pe
10 Nzero 2015, 04:29, par Nuwera
Komera wewe mukuru wa REGIDESO turagukunda. jewe keshi iyumuntu avuze ibintuvyiza ndabisoma nkumva umunezero gusa usangantakunze kwandikavyishi bivuga kuvyo abayavuze munkuru mbampejeje gusoma zivyo abayatumbiye, keshirero uzosanga niyandikira ngo" wewe niwirambire, uyundimwanya nkavugango ’ turagushigikiye, tubarinyuma, tuerabakunda, nutundituntu turimumajambo yikirundi nka komera.