Accueil > Inkino > FOOTBALL > Ishule ry’umupira w’amaguru mu Burundi ryigisha urwaruka ubuhinga bwo (...)
Ishule ry’umupira w’amaguru mu Burundi ryigisha urwaruka ubuhinga bwo gukina
lundi 28 Nzero 2013
Iryo shule ryigisha urwaruka ubuhinga bwo gukina umupira w’amaguru ryatangujwe n’umushingantahe Pierre Claver Rurakamvye.
Urwaruka ruri mur’iryo shule rutorwa mu bice bitandukanye vyo ku murwa mukuru Bujumbura, mu Burundi.
Umugambi w’iryo shule nk’uko president waryo Pierre Claver Rurakamvye Abega yabibwiye abamenyeshamakuru, n’ukwigisha urwo rwaruka ubuhinga bwo gukina umupira w’amaguru kugira ngo, urwo rwaruko ruzoshobore guserukira Uburundi mu nkino mpuzamakungu z’umupira w’amaguru, imbere y’impera z’umwaka w’2017.
Umushingantahe Pierre Claver yaravuze kandi ku vyerekeye ukuntu iryo shule ryiyungunganya mu kurondera ibikoresho, hamwe n’ukuntu rikorana n’abarundi batari bake b’abagira neza, haba abari mu gihugu hagati canke ababa mu mahanga.
Avugako akoresha ubuhinga ngurukana bumenyi ari bwo internet, yaciye agerageza kurondera abagenzi biwe bose bakoranye kugirango bamufashe akaba aribo bamufasha kumuronsa imipira nimpuzu zokwambara nibindi.
Amenyesha kandi ko batora urwaruka ruri hagati yimyaka 10 na 13,amenyesha kandi ko bamaze kugenda mumahiganwa atari make muburundi yabakiri bato.
Sylvere Bavumiragiye
