Isozerwa ry’ivyigwa ku gisirikare gikorera mu mazi

I Buramata, mu ntara ya Bubanza , mu ntango z’uku kwezi kwa Ndamukiza 2013, igisirikare c’uburundi kibifashijwemwo n’igisirikare c’abanyamerika gikorera mu mazi( SP-MAGTF Afrique 13) gifise icicaro mu butariyano, barasozereye inyigigisho zari zimaze indwi zibiri.

Izo nyigisho zari zijanye no kwongereza ubushobozi bw’ukubumbatira umutekano ku basirikare b’igihugu c’Uburundi biteguriye kuzorungikwa mu gihugu ca Somaliya mu bikorwa vyo gutuza imirwi y’iterabwoba ikorera muri ico gihugu.

Twobamenyesha ko muri ico gikorwa, igihugu c’Uburundi gifashwe mu mugongo na Leta zunze ubumwe za Amerika hamwe n’ishirahamwe ry’ubumwe bwa Afrika.