Jacques Vergès, “umushingwamanza w’abayobe” yashengeye

Umushingwamanza, Jacques Vergès, batazira “ uwabayoba” yaraye yitavyimana ku myaka 88. Yabaye umushingwamanza w’abatwaje umukazo n’abandi bagirizwa amaraso. Imanza bamwe bafatako zitaburanirwa.

Umushingwamanza Jacques Vergès

Jacques Vergès yitavyimana kuri uyu wa kane ahitanywe n’indwara t’umutima. Uyu munshingwamanza batazira “umushingwamanza w’abayobe” akaba ashengeye ku myaka 88. Afise akabira k’ubufaransa. Yavutse mu 1925 mw’izinga rya Réunion, arahakurira gushika ku myaka 17. Se akaba ari akaba akomoka muri iryo zinga nyene, nyina nawe akaba yamuka muri Viêtenam.

Umushingwamanza Jacques Vergès

Jacques Vergès akaba azwi cane kuba ari umushingwamanza yaburaniye abantu bagirizwa ivyaha bikomakomaye vy’amaraso. Kuva 1955 aho yatangura akazi ko kuburanira abantu gushika aho yitabiyimana, yaburaniye abantu nka:

Pol Pot, umukuru w’umurwi w’abarwanyi bitwa Khmers rouges :
Djamala Bouhireb, umugore wo muri Algériya yari yaciriwe urwo gupfa ariko yaburaniye gushika aho agirirwa ikigongwe ;
Laurent Gbagbo, uwahoze ari umukuru w’igihugu ca Côte d’Ivoire;
N’abandi benshi bagirizwa ivyaha bikomakomeye. Bavuga ko ndetse yari umushingwamanza w’imanza zaciwe kandi zatsinzwe.

Jacques Vergès akaba yari yatanze izina ryiwe mu kibanza co kuburanira n’abantu bantu bazwi nka Saddam Hussein, Slobodan Milosevic na Mouahammar Khadafi. Mukryica umurwa akaba yari yivugiye ati: “Niyo nza kuronka akaryo, narikuburanira Adolp Hitler”.