Jean Pierre Bemba yaciriwe urubanza

Sentare mpuzamakungu mpanavyaha yahanishije ugupfungwa imyaka 18 uwahoze ari umukuru w’abagwanyi, Jean Pierre Bemba, kubera ivyaha vyo mu ntambara no gufata abagore ku nguvu.

Bemba yagirijwe mu kwezi kwa gatatu ivyaha yakoreye mu gihugu kibanyi ca Centrafrique mu 2002 na 2003. Yagirijwe kandi kuba atabujije abagwanyi biwe kwica no gufata abagore ku nguvu.

Jean Pierre Bemba yigeze kuba icegera c’umukuru w’igihugu ca Repuburika iharanira intwaro rusangi ya Congo

Ababuranira Bemba ntibashimye urubanza rwaciriwe uwo baburanira, bakavuga ko bazokwunguruza.

Jean Pierre Bemba yigeze kuba icegera c’umukuru w’igihugu ca Repuburika iharanira intwaro rusangi ya Congo, akaba yari arongoye umugwi w’abagwanyi ba MLC, mu gihe c’intambara yabaye muri ico gihugu.

Inyuma y’amasezerano yo guhagarika intambara muri ico gihugu mu mwaka w’2003, yarashize ibirwanisho hasi aja muri Reta mfatakibanza.