Accueil > Amakuru > u Burundi > Jeffrey Feltman yaje kwirabira uko ibintu vyifashe m’u Burundi
Jeffrey Feltman yaje kwirabira uko ibintu vyifashe m’u Burundi
samedi 2 Ruhuhuma 2013
Icegera c’umunyamabanga mukuru wa ONU ajejwe ibibazo vya politike Jeffrey Feltman ari m’urugendo mu gihugu c’u Burundi kuva kuri uno wa gatanu igenekerezo rya 1 Ruhuhuma 2013,akaba azobonana n’umukuru w’igihugu Petero Nkurunziza.
Nk’uko Jeffrey Feltman yabimenyesheje igihe yashika,muri urwo rugendo,uwo mutegetsi mw’ishirahamwe mpuzamakungu ONU azoganira n’abagize Leta,abaserukira imigambwe hamwe n’abaserukira amashirahamwe yigenga.
Intumbero nyamukuru rero y’urwo rugendo ngo ni iyo kumenya ukuri no kwirabira uko ibintu vyifashe mu gihugu hamwe no gushigikira ibikorwa vy’ishirahamwe mpuzamakungu m’u Burundi.
Tubamenyeshe ko Jeffrey Feltman ari umunyamerika,akaba amaze imyaka 26 akorera mu gisata ca politike n ‘imigenderanire, yagenwe kurongora igisata ca politike muri ONU mu kwezi kwa Ruheshi 2012.
Mugisha Van Naris
