Accueil > Amakuru > Muri Afrika > Karim Wade yaciriwe imyaka itandatu y’umunyororo n’ihadabu
Karim Wade yaciriwe imyaka itandatu y’umunyororo n’ihadabu
lundi 23 Ntwarante 2015, par
Karim Wade yaciriwe imyaka itandatu yo gufungwa hamwe n’ihadabu ry’imiriyaridi 138 z’amafaranga y’ama CFA.
![](local/cache-vignettes/L612xH300/karim_wade-2-25588.jpg?1517812685)
Karim Wade, umuhungu wa Abdoulaye Wade, ku myaka 46 akaba yagirizwa icaha c’ukuba afise amatunga menshi adasiguritse. Kuri uno wa mbere rero niho umukuru wa sentare igwanya abafise amatunga adasiguritse (Cour de répression de l’enrichissement illicite), Henri Gregoire Diop yashikiriza urubanza rwaciriwe Wade Karim, hamwe n’icenda mubo bagirizwa icaha kimwe, bane muri abo bakaba bari hanze y’igihugu.
Karim Wade sentare yamuciriye gufungwa imyaka itandatu n’ihadabu ry’imiriyaridi 138 z’ama CFA, abo bari kumwe nabo bakaba baciriwe hagati y’imyaka itanu n’imyaka itandatu yo gupfungwa.
Ivyo rero bikaba bije gukuraho icizere ciwe cose co kwitoza mu kibanza c’umukuru w’igihugu mu matora yo mu mwaka w’2017. Ivyo bikaba kandi bibaye inyuma y’aho ku munsi wa gatandatu umugambwe PDS (Parti Démocratique Sénégalais) umutoye kugira aba ariwe azokwitoza mu kibanza c’umukuru w’igihugumu 2017.
Floxella Karire
Messages
24 Ntwarante 2015, 11:48, par muyaga
Abandi nibarabire aho mugihe wakoze amanyanga gusahura nukwica nukwigira utumana dutoduto ico bivyara mugihe utagifise ubutegetsi,yemwe yemwe peter nibihweba vyiwe murarabe ico akagagazo kavyara igipfa kiburiwe ni Impongo