Kayanza : Abanyagihugu basabwa kutarenza abana batatu

Abanyagihugu bo mu ntara ya Kayanza bariko basabwa kuvyara abana bake, na cane cane abana bashoboye kurera, bakaraba ntibarenze batatu.

Umugambi w’igihugu ujejwe irondoka rijanye n’amagara meza PNSR ukaba ariwo uriko urafasha muri iyo ntara mu guhimiriza abanyagihugu bo mu kayanza mu kuvyara abana batatu. Iyo ntara ya Kayanza, ikaba iza mu za mbere zifise abantu benshi, aho abantu bagera ku majana indwi, baba ku kirometero kwadarato kimwe. Abanyagihugu bo mu ntara ya Kayanza, bakabwirwa ko isi itigera yiyongerako n’imetero n’imwe, ari naco gituma abanyagihugu bogerageza bakavyara bake, bakazoronka aho baba mu minsi.

Uwo mugambi wo guhimiriza abanyagihugu bose kugira baze baravyara batatu, ukaba ugiye kubandaniriza no muzindi ntara . Ariko mukamenya ko ari irya mbere, aho abanyagihugu b’abarundi babwirwa igitigiri batorenza mu kwibaruka.