Kenya : Abashingamateka 6 bahagaritswe

Abashingamateka batandatu bo mu gihugu ca Kenya baritaba sentare bagirizwa gukwiragiza amajambo abiba urwanko.

Bivugwa ko ku musi w’Imana, umushingamateka umwe yegamiye urunani rw’imigambwe iri ku butegetsi yoba yahamagariye abantu kwica Raila Odinga, uwahoze ari umushikiranganji wa mbere, akaba ari n’umukuru w’urunani rutavuga rumwe na Reta muri Kenya.

BBC ivuga ko n’abashingamateka batavuga rumwe na Reta bavuze amajambo nkayo.

Umushikirizamanza kizigenza wa Repuburika muri Kenya yabwiye abamenyeshamakuru ko igiporisi ca Kenya kizohagarika uwo wese akwiragiza amajambo abiba urwanko.